തൃകൈകളിൽ പൂജ്യ പാദങ്ങളിൽ

തൃകൈകളിൽ പൂജ്യ പാദങ്ങളിൽ
കാണിക്കയായ് സ്വയം നൽകുന്നു ഞാൻ
ആത്മാർപ്പണം ഈ ഹൃദയാർപണം
കൈക്കൊള്ളുവാൻ കനിവാകേണമേ

തൃകൈകളിൽ ....

നിൻ ജീവനിൽ ദിവ്യ വിരുന്നാകുവാൻ
പൊടിയുന്നു ഞാനുമീ ബലിവേദിയിൽ (2 )
തിരുമുന്നിലെ മെഴുതിരിയായ് ഞാൻ
ഉരുകുന്നു നാളം തെളിഞ്ഞീടുവാൻ (2 )

തൃകൈകളിൽ ....

സഹജാതരിൽ ഇന്നും കാണുന്നു ഞാൻ
മുറിവേറ്റ നിൻ തിരു മുഖശോഭ ഞാൻ (2 )
ആശ്വാസവും സ്നേഹപീയുഷവും
പകർന്നേകുവാൻ വരമേകേണമേ (2 )

യേശുനാഥാ വരു രാജാധിരാജാ

യേശുനാഥാ വരു രാജാധിരാജാ
എന്നുള്ളിൽ വന്നുനീ എന്നും വസിക്കൂ
എന്നെ പിരിയാതെ എന്നാത്മനാഥാ
എന്നാലുമെന്നാളും എന്നിൽ വസിക്കൂ
യേശുനാഥാ വരൂ രാജാധിരാജാ ..

എന്നെ നയിക്കു നീ കാലിത്തൊഴുത്തിൽ
നിന്നിൽ ഞാൻ ശൂന്യനായ് ധന്യനാകാൻ
എന്നെ നയിക്കൂ കാൽവരിക്കുന്നിൽ (2 )
നിന്നോട് ചേർന്നൊരു യാഗമാകാൻ (2 )

(യേശുനാഥാ.... )

നിൻ തിരുരക്തവും മാംസവും അടിയനിന്നു
ഉൾക്കൊണ്ടു നിന്നിൽ അലിഞ്ഞ്‌ ചേരും (2 )
തീരുമാ നേരമെൻ  ക്ലേശങ്ങളെല്ലാം (2 )
തീരാത്തൊരാനന്ദമായി മാറാൻ (2 )

(യേശുനാഥാ ....)