അൾത്താര ഒരുങ്ങി അഗതാരൊരുക്കി

അൾത്താര ഒരുങ്ങി അഗതാരൊരുക്കി
അണയാമീ ബലിവേദിയിൽ
ഒരുസ്വരമായ് ഒരു മനമായി
അണയാമീ ബലിവേദിയിൽ


ബലിയായ് നൽകാം തിരുനാഥനായി
പൂജ്യമായ് ഈ വേദിയിൽ
മാമസ്വാർത്ഥവും ദുഖങ്ങളും
ബലിയായി നൽകുന്നു ഞാൻ
ബലിയായി നൽകുന്നു ഞാൻ

അൾത്താര ....

ബലിവേദിയിങ്കൽ തിരുനാഥനേകും
തിരുമെയ്യും തിരു നിണവും
സ്വീകരിക്കാം  നവീകരിക്കാം
നമ്മൾതൻ ജീവിതത്തെ
നമ്മൾതൻ ജീവിതത്തെ

അൾത്താര ....

നാവിൽ എൻ ഈശോ തൻ നാമം

നാവിൽ എൻ ഈശോ തൻ നാമം
കാതിൽ എൻ ഈശോ തൻ നാദം
കണ്ണിൽ ഈശോ തൻ രൂപം
നെഞ്ചിൽ ഈശോ തൻ സ്നേഹം
മനസ്സു നിറയെ നന്ദി മാത്രം

നാവിൽ എൻ ഈശോ തൻ നാമം
കാതിൽ എൻ ഈശോ തൻ നാദം
കണ്ണിൽ ഈശോ തൻ രൂപം
നെഞ്ചിൽ ഈശോ തൻ സ്നേഹം
മനസ്സു നിറയെ നന്ദി മാത്രം

നാവിൽ എൻ ഈശോ തൻ നാമം

നീയെൻ അരികിൽ വന്നു
ഉള്ളം തരളിതമായി
കാതിൽ തിരുമൊഴി കേൾപ്പൂ 
നീയെൻ പൈതലല്ലേ
ആണിപ്പഴുതുള്ള കൈകളാലെന്നെ
മാറോടു ചേർത്തണച്ചു

നാവിൽ എൻ ഈശോ തൻ നാമം
കാതിൽ എൻ ഈശോ തൻ നാദം

മഹിയും മഹിതാശകളും
എന്നെ പുല്കിടുമ്പോൾ
എന്നും നിനഹിതമറിയാൻ
ഹൃദയം  പ്രാപ്തമാക്കൂ
എൻ ഹിതമല്ല തിരുഹിതമെന്നിൽ
എന്നെന്നും നിറവേറണം

നാവിൽ എൻ ഈശോ തൻ നാമം
കാതിൽ എൻ ഈശോ തൻ നാദം
കണ്ണിൽ ഈശോ തൻ രൂപം
നെഞ്ചിൽ ഈശോ തൻ സ്നേഹം
മനസ്സു നിറയെ നന്ദി മാത്രം

നാവിൽ എൻ ഈശോ തൻ നാമം
കാതിൽ എൻ ഈശോ തൻ നാദം ..........

അപ്പവും വീഞ്ഞുമായ് നിൻ

അപ്പവും വീഞ്ഞുമായ് നിൻ
മാംസവും ചോരയും നീ
ഞങ്ങൾക്കു പങ്കുവച്ചില്ലേ
ഇവർ ചെയ്ത പാപങ്ങൾ
ഒരു മുൾകിരീടമായ്
ശിരസാ വഹിച്ചോരു ദേവാ
ജീവിതമാം കാൽവരിയിൽ
മരകുരിശുകൾ ചുമന്നിടുന്നിവരെന്നെന്നും


അങ്ങേക്കു ഞാൻ ജീവൻ തരാം
എന്നിലെ ശീമോൻ കളവു പറഞ്ഞാലും
അങ്ങേക്കു ഞാൻ ജീവൻ തരാം
എന്നിലെ ശീമോൻ കളവു പറഞ്ഞാലും
പൂങ്കോഴി കൂവും മുന്പൊരുവട്ടം പോലും
തള്ളി പറയിക്കല്ലേ മനമേ
ജീവിതമാം കാൽവരിയിൽ
മരകുരിശുകൾ ചുമന്നിടുന്നിവരെന്നെന്നും

അപ്പവും ......

ചില നാണയം ചെറുചുംബനം
കുരിശേറ്റി യൂദാ ഗുരുദേവനേയും
ചില നാണയം ചെറുചുംബനം
കുരിശേറ്റി യൂദാ ഗുരുദേവനേയും
ഭൂലോകം പോലും കാലടിയിൽ വച്ചാലും
ഒറ്റു കൊടുപ്പിക്കല്ലേ മനമേ ..
ജീവിതമാം കാൽവരിയിൽ
മരകുരിശുകൾ ചുമന്നിടുന്നിവരെന്നെന്നും

അപ്പവും ..

ആരാധന ആരാധന ആരാധന ആരാധന

ആരാധന ആരാധന ആരാധന ആരാധന
ആരാധന ആരാധന ആരാധന ആരാധന

അബ്രഹാമിൻ നാഥനാരാധന
യാക്കോബിൻ ദൈവമേ ആരാധന
ഇസഹാക്കിൻ ഇടയന് ആരാധന
ഇസ്രയേലിൻ നാഥന്‌ ആരാധന

ആരാധന ആരാധന ആരാധന ആരാധന
ആരാധന ആരാധന ആരാധന ആരാധന

ആത്മവിലായിരം മുറിവുണങ്ങീടുന്ന
ആത്മീയ നിമിഷമീ ആരാധന
ആത്മശരീര വിശുദ്ധി നല്കീടുന്ന
അനുഗ്രഹ നിമിഷമീ ആരാധന

ആരാധന ആരാധന ആരാധന ആരാധന
അബ്രഹാമിൻ ....

തുമ്പങ്ങളെല്ലാം മാറ്റുന്ന ദൈവം
അണയുന്ന നിമിഷമീ ആരാധന
അലറുന്ന സാത്താനെ ആട്ടിയകറ്റുന്ന
അഭിഷേക നിമിഷമീ ആരാധനാ

ആരാധന ആരാധന ആരാധന ആരാധന
അബ്രഹാമിൻ ....

മനസ്സുകളേ തിരുവചനം കേൾക്കാൻ

മനസ്സുകളേ തിരുവചനം കേൾക്കാൻ
മുഴുമനസ്സും ഹൃദയവുമിനിയെകൂ
പ്രിയജനമേ അതിശയകരമാകും
അനുഭവമായ് അവനണയുകയായി
വചനമായ വഴിവിളക്കുമായ്‌
വഴിനടന്നു വിജയിയാകുവിൻ
ആത്മാവിൽ അലിവു ചൊരിയുമീ
പവിഴ മൊഴികളാ  പരിച അണിയുവിൻ
വചനമായ വഴിവിളക്കുമായ്‌
വഴിനടന്നു വിജയിയാകുവിൻ

മനസ്സുകളേ തിരുവചനം കേൾക്കാൻ
മുഴുമനസ്സും ഹൃദയവുമിനിയെകൂ
ഊം ......

നിറയും സ്നേഹത്താൽ കുരിശിലേറി

നിറയും സ്നേഹത്താൽ കുരിശിലേറി
മരണം മർത്യർക്കായ് വരിച്ചവനേ
എരിയും സ്നേഹത്താൽ ഹൃദയസൂനം
കുരിശിൽ മക്കൾക്കായ് തുറന്നവനേ

കരയും മാനവർക്കാശ്വാസമായ്
തളരും മാനസർക്കാലംബമായ്
ഇരുളിൽ നീങ്ങുന്നോർക്കു ഒളി വിതറും
കരുണാമയൻ തൻറെ തിരുഹൃദയം
കരുണാമയൻ തൻറെ തിരുഹൃദയം

നിറയും ........

വരുവിൻ ഭാരങ്ങൾ വഹിപ്പവരെ
വരുവിൻ ക്ലേശങ്ങൾ സഹിപ്പവരെ
വരുവിൻ ആമയ പീഡിതരേ
അരുളാം അഭയം ഞാൻ ആശ്രിതർക്കായ്
അരുളാം അഭയം ഞാൻ ആശ്രിതർക്കായ്

നിറയും .....

വചനങ്ങൾ അരുളൂ ദൈവമേ

വചനങ്ങൾ അരുളൂ ദൈവമേ
തിരുവചങ്ങൾ അരുളൂ ദൈവമേ
കാഴ്ചയാം വചനം കേൾവിയാം വചനം
കണ്ണീരു മായ്ക്കുന്ന വചനം
തിരയെ മുറിച്ചെത്തും ചെറുവഞ്ചി പോലെ
കടലലകളിൽ ഒഴുകിവരും വചനം

ഹലേലൂയ ആഹാ ഹലേലൂയ (3 )
ഹലേലൂയ ഹലേലൂയ

ദൈവമേ നിൻ തിരുവചനങ്ങൾ

ദൈവമേ നിൻ തിരുവചനങ്ങൾ
കേൾക്കുവാൻ കാതോർത്തു നിൽക്കുന്നു (2 )

വചനങ്ങളെന്നും വിളവേകുവാൻ
വിനയത്തോടെന്നും പ്രാർത്ഥിക്കുന്നു (2 )

നാഥാ നീ അരുൾചെയ്താലും
ദാസർ ശ്രവിക്കുന്നു (2 )