പുൽത്തൊഴുത്തിൽ ദൈവപുത്രൻ

പുൽത്തൊഴുത്തിൽ ദൈവപുത്രൻ
വന്നുപിറന്നൊരു രാത്രി
രാത്രിയീ ക്രിസ്തുമസ് രാത്രി
ഭൂമി തൻ സൗഭാഗ്യ രാത്രി

പീഢിതർക്കാശ്വാസമേകുവാനായ്
പാരിതിൽ ജന്മമെടുത്തവനേ
                                      പീഡിതർ ...
വിണ്ണിലെപ്പോലെ മന്നിലും നന്മതൻ
വിത്തുകൾ പാകുവാൻ വന്നവൻ നീ
വന്നവൻ നീ

                     പുൽത്തൊഴുത്തിൽ ....

പാപിക്കു നേർവഴി കാട്ടുവാനായ്
പാരിതിൽ താരകയായവനെ
                                  പാപിക്ക്
മോചനം നൽകി സ്വർഗ്ഗരാജ്യം പോലും
വാഗ്‌ദാനമേകുവാൻ വന്നവൻ നീ
വന്നവൻ നീ

                         പുൽത്തൊഴുത്തിൽ .....